193自肥 搵兩女KOL玩睡衣P 同床親密互動

更新時間 (HKT): 2021.05.19 00:19
(ViuTV電視截圖)

話題節目《ERROR自肥企畫》接近尾聲,昨晚的一集播出人氣成員郭嘉駿(193)處男單曲《睡到三點》的MV,而為了自己的處男作,193及ERROR的官方社交平台,今日勁出post提大家睇。

節目中recall了193之前拍《自肥》時,已經提到希望可以藉節目,推出個人單曲、穿自己設計的服裝拍MV,並邀請KOL做女主角吸瀏覽次數,結果邀請到YouTuber吳冰及曾任《Girls’ Talk》主持的樊沛珈(阿Gi)做女主角,193安排兩女穿上他設計的睡衣,然後安排兩女分別與他同床,有親密互動,另有席地野餐及玩肥皂泡等超少女漫畫的情節,193不時chok樣、畀出情深款款的表情去拍MV。

193提到,自己邀請阿冰及阿Gi時,自己的社交平台獲關注的人數都不及兩位人氣女神,雖然自己早排受自己的言論帶動下,IG followers暴升逾10萬,他坦言想不到效果這麼大:「我諗如果我冇講嗰番言論,完咗呢個『人氣出奇蛋』之後,可能(followers)點都會多咗嘅,但唔會多好多囉,我本身7萬幾,可能咪多多幾千、一萬咁樣,但一番言論之後蓋過晒咁多嘅努力、咁認真去做嘅嘢,呢個都令我思考咗好耐嘅嘢嚟嘅。佢首先幫到我而家嘅人氣囉,但我點樣去maintain係最緊要,其實我可能過多半年、一年冇其他新件品畀人哋睇嘅話,可能啲followers就會全部走晒,所以有呢首歌幫到我,我都開心嘅!」他更希望自己今後會再推出其他新作,保持人氣。另外,193提到自己今次出歌,是因為想讓觀眾看到他的另一面,不想大家只知道他是個搞笑藝人,其實他也識音樂、識填詞、識fashion。

保錡流馬尿

而節目的第二部份,輪到保錡自肥,今次節目組安排愛玩音樂的他去學彈結他,而且要在短短的一個月內學識,並與著名音樂人Jason Kui合奏對方的名作《SPLASH!》,雖然連Jason都表示不易彈,但保錡仍成功彈出。在節目尾聲,格仔導演Mike解釋讓保錡學不同技能的原因,讚他是個甚麼都願意嘗試,而且肯努力,之後保錡講感想時,激動到當眾哭出來:「我覺得呢幾年發生咗好多事,尤其是拍嘢,由《ERROR遊1、2》,跟住之後一路都冇合作過喇,到2021年係我哋第3次再合作,我又好開心……其實我已經唔記得咗之前嗰種熱血,即係我嚟喺ViuTV度,我冇咗對拍嘢嗰種熱血,我會覺得好想快啲收工。今次呢個《自肥》有樣嘢好開心係,雖然有啲都係玩嘅嘢,但我好享受,令到我有返拍嘢嗰種心情。呢個地方真係好難捱,可能被人鬧、又會被人抨擊,但係好開心,無論點都好,你哋帶我出嚟嘅,多謝你哋囉!」然後格仔導演主動上前攬保錡安慰。

阿田晒自拍

另外,原來193日前去了捧田蕊妮場,睇對方主演的舞台劇《聖荷西謀殺案》,193當然有去集郵,阿田將兩人的合照放在社交平台,還學193口頭禪說:「193同我玩自拍!知我咩料啦!」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner