隔牆有耳:周小龍荃灣新店擺六呎民主女神像(李八方)

更新時間 (HKT): 2021.05.05 02:00
■周小龍指非常喜歡擺在新店正門的巨型民主女神半身雕像。

逆權商人周小龍旗下品牌Chickeeduck,有好多間商場入面嘅分店被逼遷關門,所以佢決定物色街舖再開店,舊年喺天后開咗首間藝術生活百貨店後,噚日又再喺荃灣開多一間新店,今次仲好有設計特色。

今次新店內除咗有唔少有關反修例運動嘅畫作,正門仲有一個高約六呎嘅巨型民主女神半身雕像,雖然佔咗唔少空間,但周小龍就非常喜歡,佢接受傳媒訪問時話未來會繼續開分店。

多謝同路人請喝飲品

新店首日開張已不時人頭湧湧,其實前一日周小龍同佢同事,仲身水身汗預備開幕,佢喺fb出文話當佢及同事們密密籌備、身水身汗之際,竟然有同路人行過,專登買咗一大堆嘢飲支持佢哋,周小龍仲話真心多謝呢兩位好人,話香港真係有好多好人。

李八方

一格照片,一個故事,Follow蘋果Instagram!
BannerBanner